അങ്കമാലി പുളിയനത്ത് ദമ്പതികളെ വീടിനുളളിൽ മരിച്ച നിലയിൽ കണ്ടെത്തി. പുളിയനം മില്ലുംപടി ഭാഗത്ത് താമസിക്കുന്ന വെളിയത്ത് വീട്ടിൽ സനൽ (40) ഭാര്യ സുമി (35) എന്നിവരാണ് മരിച്ചത്, സനലിനെ തൂങ്ങി മരിച്ച നിലയിലും, സുമിയെ തീ പൊള്ളലേറ്റ് മരിച്ച നിലയിലുമാണ് കണ്ടെത്തിയത്‌. ഗുരുതരമായി പൊള്ളലേറ്റ രണ്ട് കുട്ടിളെ എറണാകുളം മെഡിക്കൽ സെന്ററിൽ തീവ്ര പരിചരണ വിഭാഗത്തിലേക്ക് മാറ്റി.
സനൽ വീടിന്റെ ഉത്തരത്തിൽ തൂങ്ങി മരിച്ച നിലയിലും സുമി കട്ടിലിൽ പൊള്ളലേറ്റ നിലയിലുമായിരുന്നു. രാത്രി 12 മണിയോടെ വീട്ടിൽ നിന്നും കുട്ടികളുടെ നിലവിളി കേട്ട അയൽവാസി ഓടിച്ചെന്നു നോക്കിയപ്പോൾ വീട്ടിൽ നിന്ന് തീ പടരുന്നതാണ് കണ്ടത്. ഗ്യാസ് സിലിണ്ടറിന്റെ പൈപ്പ് തുറന്നിട്ടാണ് തീ കൊളുത്തിയിരിക്കുന്നത്. സനലും സുമിയും തുറവൂരിൽ അക്ഷയ സേവന കേന്ദ്രം നടത്തുകയാണ്. ആത്മഹത്യയെന്നാണ് പ്രാഥമിക നിഗമനം
