അങ്കമാലി: യുവാവിനെ സുഹൃത്തിൻ്റെ വീട്ടിൽ മരിച്ച നിലയിൽ കണ്ടെത്തി. അങ്കമാലി പാലിശേരി കൂരത്ത് വീട്ടിൽ ബാബുവിൻ്റെ മകൻ രഘു (35) ആണ് മരിച്ചത്.
മുന്നൂർപ്പിള്ളിയിലുള്ള സുഹൃത്തായ സുജിത്തിൻ്റെ വീട്ടിൽ വച്ചാണ് മരിച്ചത്.ഇന്നലെ രാത്രിയാണ് രഘു സുജിത്തിൻ്റെ വീട്ടിൽ എത്തിയത്. കുറച്ചു പേർ തന്നെ മർദ്ദിച്ചതായി രഘു സുജിത്തിനോട് പറഞ്ഞിരുന്നതായി പോലീസ് പറഞ്ഞു. രാവിലെ വിളിച്ചപ്പോൾ എഴുന്നേൽക്കാതിരുന്നത് ശ്രദ്ധയിൽ പെട്ടപ്പോഴാണ് മരണം സംഭവിച്ചതായി അറിയുന്നത്. മർദ്ദനമേറ്റതിനെ തുടർന്നാണ് മരണം സംഭവിച്ചതെന്നാണ് സൂചന.
അസ്വാഭാവിക മരണത്തിന് പോലീസ് കേസെടുത്തു. ഉന്നത പോലീസ് സംഘവും ഫോറൻസിക് വിദഗ്ദരും സ്ഥലത്തെത്തിയിട്ടുണ്ട്.
കൊലപാതകമാണെന്ന തരത്തിലാണ് പോലീസ് അന്വേഷണം നടത്തുന്നത്.
തമിഴ് നാട്ടുകാരനായ രഘു അമ്മയോടൊപ്പം വാടക വീട്ടിലാണ് താമസം.
