ആലുവ: ആലുവയിൽ അഞ്ച് വയസുകാരിയുടെ കൊലപാതകക്കേസ് അന്വേഷണവുമായി ബന്ധപ്പെട്ട് പ്രവർത്തിച്ച പോലീസുദ്യോഗസ്ഥർക്ക് ജില്ലാ പോലീസ് മേധാവി വിവേക് കുമാർ ഗുഡ് സർവീസ് എൻട്രി നൽകി. ഒരു ഡി വൈ എസ് പി , രണ്ട് ഇൻസ്പെക്ടർ ഉൾപ്പടെ നാൽപ്പത്തിയെട്ട് പേർക്കാണ് ജി.എസ്.ഇ നൽകിയത്. കൃത്യം നടന്ന് മുപ്പത്തിമൂന്നാം ദിവസം പഴുതടച്ച കുറ്റപത്രം സമർപ്പിക്കുകയും, നൂറ് ദിവസത്തിനുള്ളിൽ വിചാരണ പൂർത്തിയാക്കി ശിശുദിനത്തിന്റെ അന്ന് പ്രതിക്ക് തൂക്കു കയർ വിധിക്കുകയും ചെയ്ത കേസ് ആയിരുന്നു ഇത്.
