തിരുവൈരാണിക്കുളം: തിരുവൈരാണിക്കുളം മഹാദേവ ക്ഷേത്ര ട്രസ്റ്റ് ഏർപ്പെടുത്തിയ തിരുവൈരാണിക്കുളത്തപ്പൻ പുരസ്കാരം സമ്മാനിച്ചു. കാലടി ശ്രീശങ്കരാചാര്യ സംസ്കൃത സർവ്വകലാശാല വൈസ് ചാൻസലർ ഡോ. ഗീതാകുമാരി കൂത്ത് – കൂടിയാട്ടം കലാകാരൻ സംഗീത് ചാക്യാർക്ക് പുരസ്കാരം സമ്മാനിച്ചു.30000 രൂപയും മെമൻ്റോയും പ്രശസ്തിപത്രവും അടങ്ങുന്നതാണ് ഉപഹാരം. ക്ഷേത്ര ട്രസ്റ്റ് പ്രസിഡൻ്റ് പി.യു രാധാകൃഷ്ണൻ അധ്യക്ഷത വഹിച്ചു. പുരസ്കാര ജഡ്ജിംഗ് കമ്മിറ്റി അംഗം നടുവം ഹരി നമ്പൂതിരി പുരസ്കാര ജേതാവിനെ പരിചയപ്പെടുത്തി. പുരസ്കാര ജേതാവ് സംഗീത് ചാക്യാർ മറുപടി പ്രഭാഷണം നടത്തി. ക്ഷേത്ര ട്രസ്റ്റ് സെക്രട്ടറി എ.എൻ മോഹനൻ, അകവൂർ കുഞ്ഞനിയൻ നമ്പൂതിരിപ്പാട്, പി.വി ദിലീപ് കുമാർ, അശോക് കൊട്ടാരപ്പിള്ളി, പി.കെ നന്ദകുമാർ, മാനേജർ എം.കെ. കലാധരൻ തുടങ്ങിയവർ സംസാരിച്ചു.
