തിരുവനന്തപുരം: കോടതി മൂന്കൂര് ജാമ്യം നിഷേധിച്ചതിന് പിന്നാലെ ഒളിവില് പോയ സിദ്ദിഖിനായി മാധ്യമങ്ങളില് ലുക്കൗട്ട് നോട്ടീസ്. നടിയുടെ പീഡന പരാതിയില് പ്രതിയാണ് സിദ്ദിഖ്. ദേശാഭിമാനി ദിനപത്രത്തിലും മറ്റൊരു ഇംഗ്ലീഷ് പത്രത്തിലുമാണ് ലുക്കൗട്ട് നോട്ടീസ് പ്രസിദ്ധീകരിച്ചിരിക്കുന്നത്. സിദ്ദിഖിനെ കുറിച്ച് വിവരം ലഭിക്കുന്നവര് അറിയിക്കണമെന്ന് നോട്ടീസില് പറയുന്നു.
‘ഫോട്ടോയില് കാണുന്ന ഫിലിം ആര്ട്ടിസ്റ്റ് സിദ്ദിഖ് മ്യൂസിയം പൊലീസ് സ്റ്റേഷനില് നിലവിലുള്ള കേസിലെ പ്രതിയും ഒളിവില് പോയിട്ടുള്ളയാളും ആണ്. ഇയാളെക്കുറിച്ച് എന്തെങ്കിലും വിവരം ലഭിച്ചാല് താഴെ പറയുന്ന ഫോണ് നമ്പറിലോ വിലാസത്തിലോ അറിയിക്കണം’, ലുക്കൗട്ട് നോട്ടീസില് പറയുന്നു. തിരുവനന്തപുരം സിറ്റി പൊലീസ് കമ്മിഷണര് (9497996991) , റെയ്ഞ്ച് ഡിഐജി (9497998993), നാര്ക്കോട്ടിക് സെല് അസിസ്റ്റന്റ് കമ്മിഷണര് (9497990002), മ്യൂസിയം പൊലീസ് സ്റ്റേഷന് (0471-2315096) എന്നീ നമ്പറുകളിലാണ് വിവരം അറിയിക്കേണ്ടത്. തിരുവനന്തപുരം ക്രൈംബ്രാഞ്ച് പൊലീസ് സൂപ്രണ്ടിന്റെ പേരിലാണ് ലുക്കൗട്ട് നോട്ടീസ്.
