കൊച്ചി: ഞാറക്കൽ താലൂക്ക് ആശുപത്രിയിലെ ഡോക്ടറുടെ കൃത്യനിർവ്വഹണം തടസ്സപ്പെടുത്തിയ പ്രതി പിടിയിൽ. പുതുവൈയ്പ്പ് ഓചച്ചംതുരുത്ത് കരയിൽ ബ്ലായിത്തറ വീട്ടിൽ ബിനു ഫ്രഡി ( 52 ) യെയാണ് ഞാറയ്ക്കൽ പോലീസ് അറസ്റ്റ് ചെയ്തത്. ഞാറയ്ക്കൽ താലൂക്ക് ആശുപത്രിയിൽ കഴിഞ്ഞ 10-ന് ഉച്ചയ്ക്ക് രണ്ടുമണിയോടെ എത്തിയ പ്രതി രോഗികളെ പരിശോധിച്ചു കൊണ്ടിരിക്കുകയായിരുന്ന ഡോക്ടറോട് ആക്രോശിച്ചു കൊണ്ട് കൃത്യനിർവഹണം തടസ്സപ്പെടുത്തുകയും, അനുവാദം കൂടാതെ രോഗി പരിശോധനയുടെ വീഡിയോ ചിത്രീകരിക്കുകയും, ബഹളം കേട്ടെത്തിയ ആശുപത്രി ജീവനക്കാരെ ഉപദ്രവിക്കാൻ ശ്രമിക്കുകയും, ഭീഷണിപ്പെടുത്തുകയും ചെയ്ത കാര്യത്തിനാണ് അറസ്റ്റിൽ ആയത്.
പ്രതിക്ക് ഞാറക്കൽ സ്റ്റേഷനിൽ കൂടാതെ സെൻട്രൽ, തോപ്പുംപടി എന്നീ സ്റ്റേഷനുകളിൽ 10 ഓളം കേസുകൾ നിലവിലുണ്ട്. ഞാറയ്ക്കൽ ഇൻസ്പെക്ടർ സുനിൽ തോമസിന്റെ നേതൃത്വത്തിൽ സബ് ഇൻസ്പെക്ടർ ഷാഹിർ, സീനിയർ സിവിൽ പോലീസ് ഓഫീസർ റെജി തങ്കപ്പൻ, സിവിൽ പോലീസ് ഓഫീസർമാരായ ആൻറണി ഫ്രഡി, ഉധീഷ് മോൻ, ശാലിനി എന്നിവരാണ് ഉണ്ടായിരുന്നത്.
