പെരുമ്പാവൂർ: നിരവധി മോഷണ കേസുകളിലെ പ്രതിയെ കാപ്പ ചുമത്തി ജയിലിടച്ചു. വേങ്ങൂർ ചൂരമുടി ഭാഗത്ത് കൊട്ടിശ്ശേരിക്കുടി വീട്ടിൽ ആൽവിൻ ബാബു (23) വിനെയാണ് കാപ്പ ചുമത്തി വിയ്യൂർ സെൻട്രൽ ജയിലിലടച്ചത്. റൂറൽ ജില്ലാ പോലീസ് മേധാവി ഡോ.വൈഭവ് സക്സേനയുടെ റിപ്പോർട്ടിൻ്റെ അടിസ്ഥാനത്തിൽ ജില്ലാ കളക്ടർ എൻ.എസ്.കെ ഉമേഷാണ് ഉത്തരവിട്ടത്.
കോടനാട്, കുറുപ്പംപടി, കാലടി, കുന്നത്തുനാട്, കോട്ടപ്പടി പോലീസ് സ്റ്റേഷൻ പരിധികളിൽ കഴിഞ്ഞ 3 വർഷത്തിനുള്ളിൽ മോഷണം, ഭീഷണിപ്പെടുത്തൽ അതിക്രമിച്ച് കടക്കൽ തുടങ്ങി 12 കേസുകളിൽ പ്രതിയാണ്. ഈ വർഷം കാലടി നീലംകുളംങ്ങര ക്ഷേത്രം, നെടുങ്ങപ്ര സെൻ്റ് മേരീസ് യാക്കോബിറ്റ് ചർച്ച്, ഐരാപുരം തൃക്കളത്തൂർ ശീരാമസ്വാമി ക്ഷേത്രം, പാറേത്ത്മുഗൾ സെൻ്റ് മേരീസ് യാക്കോബായ പള്ളി തുടങ്ങിയ ആരാധനാലയങ്ങളിൽ മോഷണം നടത്തിയിരുന്നു. ഈ കേസുകളിൽ അറസ്റ്റിലായതിനെ തുടർന്നാണ് നടപടി.
കോടനാട് പോലീസ് ഇൻസ്പെക്ടർ ജി.പി മനു രാജിൻ്റെ നേതൃത്വത്തിൽ എസ്.ഐ കെ.പി എൽദോ, സി.പി.ഒ. ബോബി ഏലിയാസ്, എന്നിവരടങ്ങുന്ന സംഘമാണ് ഇയാളെ അറസ്റ്റ് ചെയ്തത്.
