കാഞ്ഞൂർ : 112 വർഷങ്ങളോളം ആൺകുട്ടികൾ മാത്രം പഠിച്ചിരുന്ന കാഞ്ഞൂർ സെന്റ് സെബാസ്റ്റ്യൻസ് ഹൈസ്കൂളിൽ പെൺകുട്ടികൾക്കും പ്രവേശനം ആരംഭിച്ചു. പ്രവേശനോത്സവ ചടങ്ങിൽ പെൺകുട്ടികളെ കളഭം ചാർത്തി നൃത്തച്ചുവടുകളുടെ അകമ്പടിയോടെ വരവേറ്റു. അറിവിൻ്റെ പ്രതീകാത്മകമായി തെളിയിച്ച മെഴുകുതിരികൾ മാനേജർ റവ.ഫാ. ജോയി കണ്ണമ്പുഴയച്ചൻ പെൺകുട്ടികൾക്ക് നൽകി. നവാഗതരായ എല്ലാ വിദ്യാർത്ഥികൾക്കും സ്നേഹോപഹാരം നൽകി.
