തൃശൂർ: ഇരിങ്ങാലക്കുട കരുവന്നൂര് പുത്തന്തോട് വച്ച് സ്വകാര്യ ബസില്നിന്നും വയോധികനെ ചവിട്ടിയിട്ടതായി പരാതി. തൃശൂരില് നിന്നും ഇരിങ്ങാലക്കുടയിലേക്ക് വരികയായിരുന്ന ശാസ്ത എന്ന ബസില് വച്ച് കഴിഞ്ഞ ദിവസം ഉച്ചയോടെയാണ് സംഭവം. കരുവന്നൂര് എട്ടുമന സ്വദേശിയായ പവിത്രന് എന്ന (68) വയോധികനാണ് പരിക്കേറ്റത്. ബസിലെ യാത്രാ നിരക്ക് ചില്ലറ നല്കാത്തതിനെ തുടര്ന്നുള്ള തര്ക്കമാണ് ആക്രമണത്തില് കലാശിച്ചതെന്ന് യാത്രികരും നാട്ടുകാരും പറയുന്നു.
