തിരുവനന്തപുരം: നാലുവയസ്സുകാരിയെ പീഡിപ്പിച്ച കേസിൽ 65-കാരനെ ശിക്ഷിച്ച് കോടതി. മുരളീധരനെയാണ് പ്രത്യേക പോക്സോ കോടതി ഏഴുവർഷം കഠിന തടവിനും 25,000 രൂപ പിഴയ്ക്കും ശിക്ഷിച്ചത്. പിഴ ഒടുക്കിയില്ലെങ്കിൽ പ്രതി നാലുമാസം അധിക തടവ് അനുഭവിക്കണം.
പ്രത്യേക പോക്സോ കോടതി ജഡ്ജി ആർ.രേഖയാണ് പ്രതിയെ ശിക്ഷിച്ചത്.2021 ജൂലായ് 21-നായിരുന്നു കേസിന് ആസ്പദമായ സംഭവം. കുടുംബശ്രീ പ്രവർത്തകരാണ് പ്രതി കുട്ടിയെ പീഡിപ്പിക്കാൻ ശ്രമിച്ച വിവരം നേരിൽക്കണ്ടതും പോലീസിനെ അറിയിച്ചതും. ഇവർ കോടതിയിൽ എത്തി പ്രതിക്കെതിരേ മൊഴിനൽകിയിരുന്നു. പ്രോസിക്യൂഷനു വേണ്ടി സ്പെഷ്യൽ പബ്ലിക് പ്രോസിക്യൂട്ടർമാരായ ആർ.എസ്.വിജയ് മോഹൻ, കാട്ടായിക്കോണം ജെ.കെ.അജിത് പ്രസാദ് എന്നിവർ ഹാജരായി.
