ശ്രീമൂലനഗരം: കേരള സർക്കാർ, പൊതുവിദ്യാഭ്യാസ വകുപ്പ്, തദ്ദേശ സ്വയംഭരണ വകുപ്പ് കേരള സംസ്ഥാന സാക്ഷരതാ മിഷൻ അതോറിറ്റി, നടപ്പിലാക്കിയ ഇ – മുറ്റം പദ്ധതിയിലൂടെ ഡിജിറ്റൽ സാക്ഷരത നേടിയ എറണാകുളം ജില്ലയിലെ ആദ്യ പഞ്ചായത്തായി ശ്രീമൂലനഗരം പഞ്ചായത്ത്. ശ്രീമൂലനഗരംപഞ്ചായത്ത് ഹംസ മെമ്മോറിയൽ ഹാളിൽ വെച്ച് പഞ്ചായത്ത് പ്രസിഡന്റ് വി.എം.ഷംസുദ്ദീന്റെ അധ്യക്ഷതയിൽ ചേർന്ന യോഗത്തിൽ ബെന്നി ബഹനാൻ എം പി ശ്രീമൂലനഗരം പഞ്ചായത്ത് സമ്പൂർണ ഡിജിറ്റൽ സാക്ഷരത കൈവരിച്ച പഞ്ചായത്തായി പ്രഖ്യാപനം നടത്തി.
വൈസ് പ്രസിഡന്റ് സിന്ധു പാറപ്പുറം, ആരോഗ്യ വിദ്യഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ സിൽവി ബിജു,ക്ഷേമ കാര്യ സ്റ്റാൻഡിങ് കമ്മറ്റി ചെയർപേഴ്സൺ എൻ.സി ഉഷാകുമാരി , വികസനകാര്യ സ്റ്റാൻഡിങ് കമ്മിറ്റി ചെയർമാൻ വി.ജെ ആന്റണി , മുൻ പ്രസിഡന്റ് കെ.സി മാർട്ടിൻ, വാർഡ് മെമ്പർമാരായ സി.പി മുഹമ്മദ്, കെ. പി.സുകുമാരൻ, ഷിജിത സന്തോഷ്‌, മീന വേലായുധൻ, സിമി ജിജോ, ഡാർലി ജീമോൻ, പഞ്ചായത്ത് സെക്രട്ടറി അബ്ദുൽ ജലീൽ കെ.എം,ജില്ലാ സാക്ഷരതാ മിഷൻ ജില്ല കോഡിനേറ്റർ ദീപ ജയിംസ്, ജില്ലാ അസിസ്റ്റന്റ് കോഡിനേറ്റർ കെ.എം. സുബൈദ, സി. ഡി എസ് ചെയർപേഴ്സൺ നന്ദിനി രാമചന്ദ്രൻ, പഞ്ചായത്ത് സാക്ഷരത പ്രേരക് ജാസ്മിൻ ഒ.ബി , പഞ്ചായത്ത് ഇ- മുറ്റം കോർഡിനേറ്റർ സോണി വർഗീസ് എന്നിവർ സംസാരിച്ചു.
സർവ്വേയിലൂടെ കണ്ടെത്തിയ പഞ്ചായത്തിലെ 2008 ആളുകൾക്ക് ഡിജിറ്റൽ സാക്ഷരത ക്ലാസുകൾ നൽകി അവരെ മൊബൈൽ ഫോൺ, ഇന്റർനെറ്റ് എന്നിവ നിത്യ ജീവിതത്തിൽ ഉപയോഗിക്കുന്നതിനായി പ്രാപ്തരാക്കുക എന്നതാണ് ഈ പദ്ധതി കൊണ്ട് ലക്ഷ്യമിട്ടത് . സംസ്ഥാനത്ത് ഇ -മുറ്റം പദ്ധതിയിലൂടെ ഡിജിറ്റൽ സാക്ഷരത നേടിയ രണ്ടാമത്തെ തദ്ദേശ സ്വയംഭരണ സ്ഥാപനമായി ശ്രീമൂലനഗരം പഞ്ചായത്ത്. ചടങ്ങിൽ ക്ലാസുകൾ നയിച്ച ഇൻസ്‌ട്രക്റ്റർമാരെ ആദരിച്ചു.
