തിരുവനന്തപുരം: യൂത്ത് കോൺഗ്രസ് സംസ്ഥാന പ്രസിഡന്റ് രാഹുൽ മാങ്കൂട്ടത്തിലിന് ജാമ്യമില്ല. രാഹുലിനെ കോടതി ജനുവരി 22 വരെ റിമാൻഡ് ചെയ്തു. യൂത്ത് കോൺഗ്രസ് സെക്രട്ടറിയേറ്റ് മാർച്ചിലെ സംഘർഷവുമായി ബന്ധപ്പെട്ട് ഇന്ന് പുലർച്ചെയാണ് രാഹുലിനെ പൊലീസ് അറസ്റ്റ് ചെയ്തത്. തിരുവനന്തപുരം വഞ്ചിയൂര് കോടതിയാണ് ജാമ്യം നിഷേധിച്ചത്. രാഹുലിന് കാര്യമായ ആരോഗ്യപ്രശ്നങ്ങളില്ലെന്ന മെഡിക്കല് റിപ്പോര്ട്ടിന് പിന്നാലെയാണ് കോടതി തീരുമാനം. കോടതിയുടെ നിര്ദേശപ്രകാരം രണ്ട് തവണ വിശദ പരിശോധനനടത്തിയതിനുയതിനു പിന്നാലെയാണ് ജാമ്യം നിഷേധിച്ചത്
സെക്രട്ടേറിയറ്റ് സമരത്തിനിടെ സ്ത്രീകളെ മുന്നില് നിര്ത്തി പോലീസിനെ ആക്രമിച്ചുവെന്ന് ജാമ്യാപേക്ഷ എതിര്ത്ത് പോലീസ് കോടതിയില് പറഞ്ഞു. രാഹുലിന് ഉടന് ജാമ്യം നല്കിയാല് അത് സമൂഹത്തിനു തെറ്റായ സന്ദേശം നല്കുമെന്ന് പോലീസ് അറിയിച്ചു. അറസ്റ്റു ചെയ്തു വാഹനത്തില് കയറ്റിയ പ്രതികളായ യൂത്ത് കോണ്ഗ്രസ് പ്രവര്ത്തകരെ മറ്റ് പ്രതികള് വാഹനത്തില്നിന്ന് രക്ഷപ്പെടുത്തി. നാലാം പ്രതിയായ രാഹുലിനു ജാമ്യം അനുവദിച്ചാല് കുറ്റകൃത്യങ്ങള് ആവര്ത്തിച്ച് നിയമവ്യവസ്ഥയെ വെല്ലുവിളിക്കുമെന്നും ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയില് (മൂന്ന്) സമര്പ്പിച്ച റിമാന്ഡ് റിപ്പോര്ട്ടില് പറയുന്നുണ്ട്.
നവകേരള യാത്രയ്ക്കിടെ ഡിവൈഎഫ്ഐ പ്രവര്ത്തകരും മുഖ്യമന്ത്രിയുടെ ഗണ്മാനും ചേര്ന്ന് കെഎസ്യു പ്രവര്ത്തകരെ ആക്രമിച്ചതില് പ്രതിഷേധായിരുന്നു യൂത്ത് കോണ്ഗ്രസിന്റെ സെക്രട്ടേറിയറ്റ് മാര്ച്ച്.
