കാലടി: റോഡിൽ കിടന്ന് കിട്ടിയ 78,000 രൂപ ഉടമസ്ഥന് തിരികെ നൽകി യുവാവ് മാതൃകയായി. കാലടിയിലെ ഒരു സ്ഥാപത്തിൽ ജോലി ചെയ്യുന്ന കൊല്ലം സ്വദേശി പ്രവീണിനാണ് കാലടി പെരുമ്പാവൂർ റോഡിൽ ശ്രീ ശങ്കര പാലത്തിന് സമീപത്ത് നിന്ന് ഒരു കെട്ട് നോട്ടുകൾ കിട്ടിയത്. കിട്ടിയ തുക ഉടൻ തന്നെ കാലടി പോലീസ് സ്റ്റേഷനിൽ ഏൽപ്പിച്ചു. പണം നഷ്ട്ടപെട്ട കാലടി ചെങ്ങൽ സ്വദേശി ഈത്താപിരി അനിലിന്റെ കയ്യിൽ നിന്നാണ് തുക കളഞ്ഞ് പോയത്. ആവശ്യമായ തെളിവ് ഹാജരാക്കിയതിന്റെ അടിസ്ഥാനത്തിൽ പോലീസ് സ്റ്റേഷനിൽ വച്ച് അനിലിന് തുക കൈമാറി. സബ്ബ് ഇൻസ്പെക്ടർ ജെയിംസ് മാത്യു, പഞ്ചായത്ത് അംഗം പി.ബി സജീവ്, സീനിയർ സിവിൽ പോലീസ് ഓഫീസർമാരായ എൻ.പി അനിൽകുമാർ, ഷൈജു അഗസ്റ്റിൻ തുടങ്ങിയവരുടെ സാന്നിധ്യത്തിലാണ് തുക കൈമാറിയത്. പ്രവീൺ കാണിച്ച സത്യസന്ധതയെ എല്ലാവരും അഭിനന്ദിച്ചു.
