ആലുവ: നാനൂറ്റി ഇരുപത് ഗ്രാം കഞ്ചാവുമായി രണ്ട് പേർ പിടിയിൽ . ആലുവ കുഴുവേലിപ്പടി ചുള്ളിപ്പറമ്പിൽ പുത്തൻ വീട്ടിൽ ഷിഹാബ് (33), കളമശേരി എച്ച്.എം.ടി കോളനി വെള്ളക്കടപ്പറമ്പിൽ ഫഹദ് (20) എന്നിവരെയാണ് റൂറൽ ജില്ലാ ആൻറി നാർക്കോട്ടിക്ക് സ്പെഷൽ ആക്ഷൻ ഫോഴ്സും , എടത്തല പോലീസും ചേർന്ന് പിടികൂടിയത്. ജില്ലാ പോലീസ് മേധാവി വിവേക് കുമാറിന് ലഭിച്ച രഹസ്യ വിവരത്തെ തുടർന്ന് നടത്തിയ പരിശോധനയിലാണ് കഞ്ചാവ് കണ്ടെത്തിയത്. മയക്ക്മരുന്ന് പ്രത്യേകം പായ്ക്ക് ചെയ്ത് ബാഗിലാക്കി വിൽപ്പയ്ക്കായി മണലിമുക്ക് ആലമ്പിള്ളി ഭാഗത്ത് നിൽക്കുമ്പോഴാണ് പിടിയിലാകുന്നത്. നർക്കോട്ടിക്ക് സെൽ ഡി വൈ എസ് പി പി.പി ഷംസ്, സബ് ഇൻസ്പെക്ടർ കെ .കെ ഷബാബ്, എ.എസ്.ഐ കെ.ഒ റോസ, സി.പി.ഒ മാരായ അമൽ മോഹൻ ,എൻ.ജി. അനീഷ് എന്നിവരാണ് അന്വേഷണ സംഘത്തിലുള്ളത്.
