അങ്കമാലി: കോൺഗ്രസ് നേതാവും, അങ്കമാലി ബ്ലോക്ക് പഞ്ചായത്ത് മുൻ പ്രസിഡന്റുമായ പി.ടി. പോളിനെ മരിച്ച നിലയിൽ കണ്ടെത്തി. ആലുവ മഹനാമി ഹോട്ടലിലെ മുറിയിലാണ് മൃതദേഹം കണ്ടത്. ഉച്ചയ്ക്ക് 12.30 നാണ് പി.ടി പോൾ മുറി എടുത്തത്. വൈകിട്ട് ഇയാളെ അന്വേഷിച്ച് എത്തിയ സുഹൃത്താണ് മുറിയിൽ ചലനമറ്റു കിടക്കുന്ന നിലയിൽ കണ്ടത്. പോലീസെത്തി മുറി പരിശോധിച്ചു. ബാഗും മൊബെലും കണ്ടെത്തി. മരണകാരണം സ്ഥിരീകരിച്ചിട്ടില്ല. മൃതദേഹം ആശുപത്രിയിലേക്ക് മാറ്റി.
