ആലുവ: കേരളത്തെ ഞെട്ടിച്ച് വീണ്ടും പീഡനം. ആലുവയിൽ ഇതര സംസ്ഥാന ജിവനക്കാരുടെ എട്ടു വയസസുകാരിയെയാണ് ക്രൂര പീഡനത്തിന് ഇരയാക്കിയത്. അതിക്രൂര പീഡനമാണ് നടന്നത്. ഉറങ്ങി കടന്ന കുട്ടിയെ തട്ടിക്കൊണ്ട് പോവുകയായിരുന്നു. ചാത്തൻപുറത്താണ് ഉപക്ഷേച്ച നിലയിൽ കുട്ടിയെ കണ്ടെത്തിയത്. പാടത്ത് നിന്നും രക്തം വാർന്ന നിലയിലാണ് കുട്ടിയെ കണ്ടെത്തിത്. ഗുരുതരമായി പരിക്കേറ്റ കുട്ടിയെ കളമശേരി മെഡിക്കൽ കോളേജിലേക്ക് മാറ്റി. കുട്ടി അപകടനില തരണം ചെയ്തു.
ഇതര സംസ്ഥാന തൊഴിലാളിയാണ് പീഡനത്തിന് പിന്നിലെന്നാണ് സൂചന. സമീപത്തെ സി.സി.ടി.വികളിൽ നിന്ന് പ്രതിയുടെതെന്ന് കരുതുന്ന ആളുടെ ദൃശ്യങ്ങൾ ലഭിച്ചിട്ടുണ്ട്. കുട്ടിയുടെ വീടുമായി ഇയാൾക്ക് അടുപ്പമുണ്ട്. ഇയാളെ കുറിച്ചുള്ള വിശദാംശങ്ങൾ പൊലീസ് പുറത്തു വിട്ടിട്ടില്ല. ഉടൻ ഇയാളെ പിടിക്കുമെന്നാണ് സൂചന. കുട്ടിയുടെ അയൽവാസിയാണ് പ്രതിയെന്നാണ് സൂചന.
ആഴ്ചകൾക്ക് മുമ്പ് അഞ്ചു വയസ്സുകാരിയെ ഇതേ പൊലീസ് സ്‌റ്റേഷൻ പരിധിയിൽ തട്ടിക്കൊണ്ടു പോയി കൊലപ്പെടുത്തിയിരുന്നു. ഇതിന്റെ ഞെട്ടൽ മാറും മുമ്പേ പുതിയ കേസും ഈ മേഖലയിൽ നിന്നെത്തുന്നു. കുട്ടിയെ കാണാനില്ലെന്ന സൂചനകളെ തുടർന്ന് നാട്ടുകാരും പൊലീസും ചേർന്ന് നടത്തിയ പരിശോധനയിലാണ് ഇന്ന് പുലർച്ചെ കുട്ടിയെ കണ്ടെത്തുന്നത്. ചാത്തൻപുറം ഒഴിഞ്ഞ മേഖലയാണ്. പത്ത് വർഷത്തോളമായി എടപ്പുറത്ത് വിവിധ ജോലികൾ ചെയ്ത് ജീവിക്കുന്നവരാണ് കുട്ടിയുടെ കുടുംബം.
