പെരുമ്പാവൂർ: പെരുമ്പാവൂർ വേങ്ങൂരിൽ കാട്ടാനയുടെ ആക്രമണം. ഗൃഹനാഥന്റെ കാലിന് ഗുരുതര പരിക്ക്. വേങ്ങൂർ വീട്ടിമോളം സ്വദേശി തൊണ്ടുമാലിൽ ശിവനാണ് പരിക്കേറ്റത്. ഇദ്ദേഹം കടയിൽ പോയ ശേഷം വീട്ടിലേക്ക് മടങ്ങുന്നതിനിടെ വരാതിരുത്തിയിൽ വച്ച് ആന ആക്രമിക്കുകയായിരുന്നു. ജീവൻ രക്ഷപ്പെട്ടത് തലനാരിഴയ്ക്കാണ്. വിവരമറിഞ്ഞ നാട്ടുകാർ ചേർന്ന് ഇദ്ദേഹത്തെ രക്ഷപ്പെടുത്തി ചാലക്കുടി സെന്റ് ജെയിംസ് ആശുപത്രിയിലേക്ക് കൊണ്ടുപോയി. നിരന്തരം കാട്ടാനകളുടെ ശല്യമുള്ള പ്രദേശമാണ് ഇത്. ഇതിനുമുൻപും ആനകളുടെ ഉപദ്രവം ഇവിടത്തുകാർക്ക് ഉണ്ടായിട്ടുണ്ട്.
