കാലടി: എറണാകുളം-അങ്കമാലി അതിരൂപത വിമെൻ വെൽഫെയർ സർവീസിന്റെ നേതൃത്വത്തിൽ മലയാറ്റൂർ കുരിശുമുടിയിലേക്ക് തീർത്ഥാടനം നടത്തി. തിങ്കളാഴ്ച രാവിലെ 7ന് അടിവാരത്തെ മാർ തോമാശ്ലീഹയുടെ രൂപത്തിന് മുന്നിൽ പ്രാർത്ഥന നടത്തി മലകയറ്റം ആരംഭിച്ചു.
കുരിശുമുടി വൈസ് റെക്ടർ ഫാ. ജോസ് ഒഴലക്കാട്ട് പ്രാർത്ഥന ശുശ്രൂഷകൾക്ക് കാർമികത്വം വഹിച്ചു. അതിരൂപത ഡയറക്ടർ ഫാ. പോൾ ചെറുപിള്ളി സന്ദേശം നൽകി. ജെയ്നി സാംരാജ്, അഡ്വ. മോളി ബോബൻ, സിസ്റ്റർ അമൽ, സിസ്റ്റർ ലിറ്റിൽ തെരേസ, മിനി ടോമി എന്നിവർ സംസാരിച്ചു.
വിമലഗിരി വികാരി ഫാ. ഷാൻ്റിലി ചിറപ്പനത്ത്, ഇല്ലിത്തോട് വികാരി ഫാ. ജോൺസൺ വാളൂരാൻ, സെബിയൂർ വികാരി ഫാ. അലൻ കാളിയങ്കര, കുരിശുമുടി സ്പിരിച്ച്വൽ ഡയറക്ടർ ഫാ. ആൻ്റണി നടുവത്തുശ്ശേരി, സിസ്റ്റർ കൃപാ മരിയ എന്നിവർ മലകയറ്റത്തിന് നേതൃത്വം നൽകി.തുടർന്ന് കുരിശുമുടിയിൽ വിശുദ്ധ കുർബാന അർപ്പിച്ചു.
എല്ലാ വർഷവും വിമെൻ വെൽഫെയർ സർവീസിന്റെ നേതൃത്വത്തിൽ തീർത്ഥാടനം സംഘടിപ്പിക്കുന്നുണ്ട്. വിവിധ പള്ളികളിൽ നിന്നായി ആയിരത്തോളം വനിതകൾ മലകയറ്റത്തിൽ പങ്കെടുത്തു.
