കാലടി: കാഞ്ഞൂർ പുതിയേടം സ്വദേശി ജെ.ആർ രാജേഷിന് 6th ഡാൻ ബ്ലാക്ക് ബെൽറ്റ് പദവി ലഭിച്ചു. ജൂഡോ ഫെഡറേഷൻ ഓഫ് ഇന്ത്യയാണ് രാജേഷിന് 6th ഡാൻ ബ്ലാക്ക് ബെൽറ്റ് പദവി നൽകിയത്. 40 വർഷമായി ജൂഡോയ്ക്ക് നൽകിയ സംഭാവനകൾ പരിഗണിച്ചാണ് പദവി സമ്മാനിച്ചത്. കേരളത്തിൽ നിലവിൽ 6th ഡാൻ ബ്ലാക്ക് ബെൽറ്റ് ലഭിച്ച ഏക വ്യക്തിയാണ് രാജേഷ്. സൗത്ത് ഇന്ത്യയിലെ ഏക ഇന്റർനാഷണൽ ജൂഡോ റഫറിയുമാണ് അദ്ദേഹം. കേരള സ്റ്റേറ്റ് സ്പോർട്സ് കൗൺസിൽ ടെക്നിക്കൽ ഓഫീസർ ആയി സേവനം അനുഷ്ഠിക്കുന്നു. നിരവധി അന്തർ ദേശീയ ജൂഡോ മത്സരങ്ങൾ നിയന്ത്രിച്ചിട്ടുണ്ട് രാജേഷ്.
