കാഞ്ഞൂർ: കാഞ്ഞൂർ ഗ്രാമപഞ്ചായത്തംഗം വിജി ബിജു മെമ്പർ സ്ഥാനം രാജിവച്ചു. കോൺഗ്രസ് വിമതയായാണ് അഞ്ചാം വാർഡിൽ നിന്നും വിജി മത്സരിച്ചത്. ഇത്തവണ ഒരു വർഷം പഞ്ചായത്ത് പ്രസിഡന്റു കൂടിയായിരുന്നു വിജി. നിലവിൽ ആരോഗ്യ സ്ന്റാന്റിങ്ങ് കമ്മറ്റി ചെയർ പേഴ്സണായിരുന്നു. വിജി ഉൾപ്പെടെ 2 സ്വതന്ത്രരുടെ പിന്തുണയോടെയാണ് കോൺഗ്രസ് പഞ്ചായത്ത് ഭരിക്കുന്നത്. വിമതയായായി മത്സരിച്ചതിനെ തുടർന്ന് കോൺഗ്രസ് പാർട്ടിയിൽ നിന്നും വിജിയെ പുറത്താക്കിയിരുന്നു. പാർട്ടി തരിച്ചെടുക്കുമെന്നും തുടർന്ന് കോൺഗ്രസ് സീറ്റ് നൽകുമെന്ന പ്രതീക്ഷയിലാണ് വിജി മെമ്പർ സ്ഥാനം രാജിവച്ചത്. കോൺഗ്രസ് സീറ്റ് നൽകിയാൽ ഒരു വിഭാഗം പ്രവർത്തകർ എതിർപ്പുമായി വരാനും സാധ്യതയുണ്ട്.
