കാലടി: എപിജെ അബ്ദുൽകലാം ടെക്നോളജിക്കൽ യൂണിവേഴ്സിറ്റിയുടെ മികച്ച എൻ എസ് എസ് വോളൻ്റിയർ ആയി കാലടി ആദിശങ്കര ഇൻസ്റ്റിറ്റ്യൂട്ട് ഓഫ് എഞ്ചിനീയറിങ് ആൻഡ് ടെക്നോളജിയിലെ അപർണ പ്രസാദ് തിരഞ്ഞെടുക്കപ്പെട്ടു. വോളൻ്റിയർ സെക്രട്ടറി എന്ന നിലയിൽ കോളജിലെ എൻ എസ് എസ് യൂണിറ്റിൻ്റെ നേതൃത്വത്തിൽ നടപ്പിലാക്കിയ വിവിധ സാമൂഹിക ക്ഷേമപ്രവർത്തനങ്ങൾക്ക് നൽകിയ നേതൃത്വമാണ് ഈ നേട്ടത്തിന് അർഹയാക്കിയത്.
ഡൽഹിയിൽ വച്ച് നടന്ന റിപ്പബ്ലിക് ദിനആഘോഷത്തിൽ എൻ എസ് എസ് നെ പ്രതിനിധീകരിച്ച് പരേഡിൽ പങ്കെടുത്തിരുന്നു. മികച്ച യുണീറ്റിനും പ്രോഗ്രം ഓഫീസറിനും ഉള്ള ദേശീയ പുരസ്കാരം നേടിയ ആദിശങ്കരയിലെ വിദ്യാർത്ഥികൾ തുടർച്ചയായ ആറാം വർഷമാണ് മികച്ച എൻ എസ് എസ് വോളൻ്റിയർമാർക്കുള്ള സർവകലാശാല പുരസ്കാരം കരസ്ഥമാക്കുന്നത്. രണ്ടു വർഷം തുടർച്ചായി സംസ്ഥാന സർക്കാരിൻ്റെ മികച്ച യൂണിറ്റ്, പ്രോഗ്രാം ഓഫീസർ, വോളണ്ടിയർമാർ എന്നീ പുരസ്കാരങ്ങൾ ആദിശങ്കര എൻ എസ് എസ് യൂണിറ്റ് നേടിയിട്ടുണ്ട്. സർവകലാശാലയിൽ നിന്നും സംസ്ഥാന എൻ എസ് എസ് പുരസ്കാരത്തിനായി അപർണ പ്രസാദ് നാമനിർദേശം ചെയ്യപ്പെട്ടിട്ടുണ്ട്.
ആദിശങ്കരയിലെ ഇലക്ട്രോണിക്സ് ആന്റ കമ്മ്യൂണിക്കേഷൻ വിഭാഗത്തിലെ വിദ്യാർത്ഥിയാണ്. കുമ്പളം ഭരണിപറമ്പിൽ ബി. ബി. പ്രസാദിന്റെയും കെ. കെ. രജനിയുടെയും മകളാണ്.
