കാലടി: മലയാറ്റൂർ – നീലീശ്വരം പഞ്ചായത്തിലെ 9 )ം വാർഡിൽ ജനകീയ തയ്യൽ പരിശീലന കേന്ദ്രം ആരംഭിച്ചു. പഞ്ചായത്ത് പ്രസിഡന്റ് ജോയി അവോക്കാരൻ ഉത്ഘാടനം ചെയ്തു. തയ്യൽ മിഷനും, ഫർണിച്ചറുകളും ഫാനും, ഇലട്രിക്ക്, പ്ലബിക്ക് വർക്കുകളും എല്ലാം പൂർത്തിയാക്കിയത് ജനങ്ങൾ നൽകിയ സംഭാവന കൊണ്ട് ആണ്. ഇതിന്റെ വരവ് ചിലവ് കണക്കും അവതരിപ്പിച്ചു. കൂടാതൊ സംഭാവന നൽകിയവർക്ക് കണക്കിന്റെ കോപ്പിയും നൽകി. 27 പേര് തയ്യൽ പരീശിലനത്തിന് ചേർന്നു. ഇഷ്ടമുള്ള സമയം തെരഞ്ഞെടുക്കാം ഇഷ്ടമുള്ള വസ്ത്രം തയ്യിക്കാൻ പഠിക്കാം, അർഹമായവർക്ക് പഠനം സൗജന്യവും ആണ്. കുടാതെ ഇവിടെ കമ്പ്യൂട്ടർ ഡിറ്റിപി കോഴ്‌സ് പഠിപ്പിച്ച് ജോലി വാങ്ങി നൽകുകയാണ് ലക്ഷ്യമെന്ന് വാർഡ് മെമ്പർ സേവ്യർ വടക്കുഞ്ചേരി പറഞ്ഞു.
