കാലടി: പെരിയാറിൽ കുളിക്കാൻ ഇറങ്ങിയ വിദ്യാർഥിക്കായി തിരച്ചിൽ. മേക്കാലടി സ്വദേശി മങ്ങാടൻ ഷിനാസിന്റെ മകൻ ദുൽക്കിബിൻ (11) നെയാണ് ലക്ഷം വീട് കടവിൽ കാണാതായത്. ഷിനാസിന്റെ മൂന്ന് മക്കളും സഹോദരന്റെ ഒരു കുട്ടിയും ഉൾപ്പെടെ 4 പേർ ഒന്നിച്ച് കുളിക്കാൻ ഇറങ്ങിയതാണ്. 4 പേരും ഒഴുക്കിൽ പെടുകയായിരുന്നു. ഷിനാസിന്റെ രണ്ട് മക്കളെയും, സഹോദരന്റെ കുട്ടിയെയും അമ്മയും മറ്റും ചേർന്ന് രക്ഷപ്പെടുത്തി. ദുൽഖിബിളിനെ രക്ഷപ്പെടുത്താനായില്ല, ഫയർ ഫോഴ്‌സും, നാട്ടുകാരും ചേർന്ന് പെരിയാറിൽ തെരച്ചിൽ നടത്തുന്നു.
