കാലടി: കാലടി ശ്രീശങ്കരാചാര്യ സംസ്കൃത സർവകലാശാല കവാടത്തിന് മുൻപിൽ പ്രധാനമന്ത്രിയെ അവഹേളിക്കുന്ന ബോർഡ്. ഇന്ന് രാവിലെയാണ് ബോർഡ് കണ്ടത്. നാലു കൈകളുളള പ്രധാനമന്ത്രിയുടെ ചിത്രമാണ് ബോർഡിലുളളത്. കൈകളിൽ ശൂലത്തിൽ തറച്ച ഭ്രൂണവും, മിനാരങ്ങളും താമരയും കൊലക്കയറുമാണുളളത്. ആരാണ് ബോർഡ് സ്ഥാപിച്ചത് എന്നതിൽ വ്യക്തതയില്ല. തുടർന്ന് ബോർഡ് എടുത്തു മാറ്റി. സംഭവത്തിൽ കേന്ദ്ര ഇന്റലിജൻസ് അന്വേഷണം ആരംഭിച്ചു. കാലടി പോലീസ് കേസെടുത്ത് അന്വേഷണം ആരംഭിച്ചു. ബിജെപി മണ്ഡലം പ്രസിഡന്റ് ഷീജ സതീഷ് നൽകിയ പരാതിയിലാണ് പോലീസ് കേസെടുത്തത്. ബിജെപിയുടെ നേതൃത്വത്തിൽ വൈകീട്ട് സർവകലാശാലയിലേക്ക് പ്രതിഷേധം നടത്തുന്നുണ്ട്.
