കാലടി: 42-മത് സംസ്ഥാന പുരുഷ- വനിത ജൂഡോ ചാമ്പ്യൻഷിപ്പ് കാലടി ശ്രീശങ്കര കോളേജിൽ നടന്നു. കാലടി എസ്എച്ച്ഒ എൻ.എ അനൂപ് ഉദ്ഘാടനം ചെയ്തു. പഞ്ചായത്ത് പ്രസിഡൻ്റ് ഷൈജൻ തോട്ടപ്പിളളി, ജൂഡോ ഫെഡറേഷൻ ഓഫ് ഇന്ത്യ വൈസ് പ്രസിഡൻ്റ് എ. ശ്രീകുമാർ, കേരള ജൂഡോ അസോസിയേഷൻ പ്രസിഡൻറ് കെ.വി അൻവർ, ജനറൽ സെക്രട്ടറി പി.ആർ റെൻ, ജൂഡോ ഇൻ്റർനാഷ്ണൽ റഫറി ജെ.ആർ രാജേഷ്, കേരള ജൂഡോ അസോസിയേഷൻ വൈസ് പ്രസിഡൻറ് ജോയി വർഗീസ്, ജില്ലാ ജൂഡോ അസോസിയേഷൻ സെക്രട്ടറി എസ്. അരുൺ, ശ്രീശങ്കര കോളേജ് പ്രിൻസിപ്പാൾ പ്രീതി നായർ തുടങ്ങിയവർ സംസാരിച്ചു.
14 ജില്ലകളിൽ നിന്നും, കേരള പോലീസിൽ നിന്നുമായി 350 ഓളം പേർ മത്സരത്തിൽ പങ്കെടുത്തു. ഒന്നാം സ്ഥാനം നേടിയവർ ഒക്റ്റോബർ 1 മുതൽ 4 വരെ ജയ്പൂരിൽ നടക്കുന്ന ദേശീയ ജൂഡോ ചാമ്പ്യൻഷിപ്പിൽ പങ്കെടുക്കും.
