പെരുമ്പാവൂർ: ഫ്രാൻസിലേക്ക് വർക്ക് വിസ ശരിയാക്കിക്കൊടുക്കാമെന്ന് പറഞ്ഞ് പണം തട്ടിയ കേസിൽ ഒരാൾ അറസ്റ്റിൽ. ഒക്കൽ കിണത്തടി വിള വീട്ടിൽ ആനന്ദ് (33) നെയാണ് കോടനാട് പോലീസ് അറസ്റ്റ് ചെയ്തത്. ചേരാനല്ലൂർ സ്വദേശികളായ രണ്ടുപേരിൽ നിന്നായി നാല് ലക്ഷം രൂപ വീതമാണ് ഇയാൾ വാങ്ങിയത്. പറഞ്ഞ കാലാവധി കഴിഞ്ഞിട്ടും വിസ ലഭിക്കാത്തതിനെ തുടർന്ന് ഉദ്യോഗാർത്ഥികൾ പോലീസിൽ പരാതി നൽകുകയായിരുന്നു. നെടുമ്പാശേരിയിലെ ഒരു ഹോട്ടൽ ജീവനക്കാരനായിരുന്ന ആനന്ദ് സമാനമായ വേറെയും തട്ടിപ്പുകൾ നടത്തിയിട്ടുണ്ടോയെന്ന് പോലീസ് പരിശോധിക്കുന്നുണ്ട്.
ഡി.വൈ.എസ് പി പി.പി.ഷംസ്, ഇൻസ്പെക്ടർ ബേസിൽ തോമസ് എസ് ഐ പി.ജെ.കുര്യാക്കോസ്, എസ് സി പി ഒമാരായ പ്രസിൻ രാജ്, സുനിൽ കുമാർ സി പി ഒ ബെന്നി തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.
