കാലടി: ആദിശങ്കര ഇന്‍സ്റ്റിറ്റ്യൂട്ട് ഓഫ് എന്‍ജിനീയറിങ്ങ് ആന്‍റ് ടെക്നോളജിയിലെ 2023 ബാച്ചിലെ ബിടെക്, എംടെക്, എംബിഎ, എംസിഎ വിദ്യാര്‍ത്ഥികളുടെ സംഗമം ഉപനയന 2023 നടന്നു. അണായൂണിവേഴ്സിറ്റി മുന്‍ വിസി പത്മശ്രീ ആര്‍. എം വാസഗം ഉദ്ഘാടനം ചെയ്തു. ആദിശങ്കര മാനേജിങ്ങ് ട്രസ്റ്റി കെ. ആനന്ദ് അധ്യക്ഷത വഹിച്ചു. ശൃംഗേരി ശാരദാപീഠത്തിലെ നിയുക്ത മഠാധിപതി ശ്രീ ശ്രീ വിധുശേഖര ഭാരതി സ്വാമികള്‍ ഓണ്‍ലൈനായി അനുഗ്രഹ പ്രഭാഷണം നടത്തി. ശൃംഗേരി മഠം സി ഇ ഒ പത്മശ്രീ ഡോ. വി. ആര്‍ ഗൗരിശങ്കറിന്‍റെ സന്ദേശം കെ. ആനന്ദ് വായിച്ചു. പ്രിന്‍സിപ്പാള്‍ ഡോ. എസ്. ശ്രീപ്രിയ, ഡോ. ടി. ആര്‍ ഗോപാലകൃഷ്ണന്‍ നായര്‍, ഡോ: കെ. ജിതേഷ് തുടങ്ങിയവര്‍ സംസാരിച്ചു.
കോളേജില്‍ നിന്ന് വിവിധ വിഷയങ്ങളില്‍ റാങ്ക് നേടിയവര്‍, ഉന്നത വിജയം കരസ്ഥമാക്കിയവര്‍, ഡോക്ടറേറ്റ് നേടിയവര്‍, ദേശീയ-സംസ്ഥാന പുരസ്ക്കാരങ്ങള്‍ കരസ്ഥമാക്കിയവര്‍ എന്നിവരെ ചടങ്ങില്‍ ആദരിച്ചു. 3000ത്തോളം പേര്‍ ചടങ്ങില്‍ പങ്കെടുത്തു.
