ആലുവ: മയക്ക് മരുന്ന് പിടികൂടുന്നതിന് പെരുമ്പാവൂരും ആലുവയിലും പോലീസ് പ്രത്യേക പരിശോധന നടത്തി. പെരുമ്പാവൂരിൽ നടന്ന റെയ്ഡിൽ നിരോധിത പുകയില ഉൽപ്പന്നങ്ങൾ വിറ്റതിന് പത്ത് കേസുകൾ രജിസ്റ്റർ ചെയ്തു. മൂന്നൂറിലേറെ പാക്കറ്റ് പുകയില ഉത്പന്നങ്ങൾ പിടികൂടി. വിറ്റ വകയിൽ ഇരുപത്തിമൂവായിരത്തോളം രൂപ കണ്ടെടുത്തു. രാസലഹരി ഉപയോഗിക്കുന്ന സിറിഞ്ചു കളും പിടികൂടി. ഇതര സംസ്ഥാനത്തൊഴിലാളികൾക്കെതിരെയാണ് കേസ്.
ആലുവ റെയിൽവേ സ്റ്റേഷനിലും പരിസരത്തും പരിശോധനയുണ്ടായിരുന്നു. മയക്കുമരുന്നു പിടികൂടാൻ പ്രാഗത്ഭ്യം നേടിയ നാർക്കോട്ടിക്ക് സ്നിഫർ ഡോഗിന്റെ സഹായത്തോടെയായിരുന്നു പരിശോധന നടത്തിയത്. ജില്ലാ പോലീസ് മേധാവി വിവേക് കുമാറിന്റെ നിർദേശത്താൽ പെരുമ്പാവൂരിൽ ഇൻസ്പെക്ടർ ആർ.രഞ്ജിത്തും , ആലുവയിൽ ഇൻസ്പെക്ടർ എം.എം മഞ്ജു ദാസും റെയ്ഡിന് നേതൃത്വം നൽകി.
